Xarajatni yozish —
bitta xabar.
«Taksi 20 ming» deb yozing yoki ovozli xabar yuboring. Moliyachi AI summani, toifani va kartani o‘zi aniqlaydi, kechqurun esa kunning hisobotini yuboradi.
- Bepul boshlash
- Ilova o‘rnatish shart emas
- 4 tilda
bot Telegram’da ochiladi
Qanday ishlashini ko‘ring
Qanday yozsangiz ham — tushunadi
Bir xabar yuborasiz, qolganini Moliyachi AI bajaradi. Pastdagi misollar botning haqiqiy javob formatida.
Odamga yozgandek yozing
Maxsus format yoki tugmalar kerak emas. «non 8 ming», «benzinga 150k», «Humo kartamdan 50 ming» — bir xabarda bir nechta xarajat ham bo‘lishi mumkin.
Xato bo‘ldimi? Har bir yozuv darhol ko‘rsatiladi — 30 daqiqa ichida bitta tugma bilan bekor qilasiz.
O‘zingiz sinab ko‘ringKun oxirida —
aniq manzara
Yozib borishning foydasi hisobotda ko‘rinadi. Moliyachi AI uni o‘zi tayyorlab, o‘zi yuboradi — ilovani ochish ham shart emas.
Bitta eslatma, ortiq emas
Kun davomida hech narsa yozmagan bo‘lsangiz, 20:00 da bitta qisqa eslatma. Bir necha kun javob bermasangiz, bezovta qilmaydi.
Har kuni 21:00 da hisobot
Bugun qancha kirdi, qancha ketdi va qaysi toifaga — bir xabarda. Hech narsa yozilmagan kuni hisobot kelmaydi.
Yakshanba — haftalik xulosa
Hafta bo‘yicha eng katta 5 ta toifa va umumiy balans. Kerak bo‘lmasa, sozlamalardan o‘chirasiz.
Batafsil ko‘rmoqchimisiz?
Ilova Telegram ichida.
Bot pastidagi tugma bilan ilovani oching: toifalar bo‘yicha grafiklar, kalendar, kartalar va budjetlar. Yuklab olish va ro‘yxatdan o‘tish shart emas — Telegram hisobingiz bilan kirasiz.
Bir nechta karta
Naqd, Humo, Uzcard — har birining o‘z balansi. «Humo kartamdan» desangiz, o‘sha kartadan yechiladi.
Budjet va ogohlantirish
Toifaga oylik limit qo‘ying. Limitga yaqinlashganda va oshganda bot ogohlantiradi.
Takroriy to‘lovlar
Ijara, internet, kredit — bir marta sozlaysiz, vaqti kelganda o‘zi yoziladi va xabar beradi.
Qarzlar
Kimga qancha berdingiz, kimdan oldingiz. Ikkinchi tomon ham botda bo‘lsa, qarzni u ham tasdiqlaydi.
Excel eksport
Barcha yozuvlarni istalgan davr uchun Excel faylda yuklab oling.
4 til
O‘zbek, rus, ingliz va koreys tillarida — bot ham, ilova ham, hisobotlar ham.
Oila, do‘stlar, biznes —
guruhda birga hisob
Moliyachi AI’ni Telegram guruhingizga qo‘shing: har kim o‘zi yozadi, Moliyachi hisoblaydi va guruhga hisobot yuboradi. Faqat pul haqidagi gaplarni ko‘radi, boshqa xabarlar saqlanmaydi.
Botga /guruh deb yozing → turini tanlang → guruhni tanlang. Shu.
Oila
Er-xotin va bolalar bitta kassada. Haftalik va oylik hisobot guruhga keladi.
Qo‘llanma →Do‘stlar · sayohat · ijara
Xarajat teng bo‘linadi, «kim kimga?» — eng kam o‘tkazmalar bilan. Qaytarishni oluvchi tasdiqlaydi.
Qo‘llanma →
Yig‘im
Sinf, mahalla, ish joyi. Kim to‘ladi, kim to‘lamadi — ro‘yxat va eslatma.
Qo‘llanma →Gap (gashtak)
Navbat, badallar va kimga berilishi — har oy o‘zi hisoblanadi.
Qo‘llanma →To‘y · tadbir
Reja va haqiqiy xarajat 🟢🟡🔴, to‘yona daftari — kim qancha bergani.
Qo‘llanma →Biznes
Foyda va zarar, bir nechta kassa, xodim va hisobchi rollari. Egasiga: kim nimani o‘chirdi yoki tuzatdi — darhol. 14 kun bepul, keyin 79 000 so‘m/oy.
Qo‘llanma →Nega aynan Moliyachi AI?
Boshqa yo‘llarning har birida nimadir yetishmaydi. Moliyachi AI’da hammasi bitta joyda — va bepul boshlanadi.
| Daftar yoki Excel | Bank ilovasi monitoringi | Obunali botlar | Eng qulay tanlovMoliyachi AI | |
|---|---|---|---|---|
| Naqd pulni hisobga oladi | ||||
| Turli bank kartalari bir joyda | faqat o‘z banki | |||
| Ovoz va chek bilan yozish | ||||
| Bitta yozuvga ketadigan vaqt | 1–2 daqiqa | avtomatik, faqat karta | bir necha soniya | bir necha soniya |
| Har kuni tayyor hisobot | ilovani ochsangiz | |||
| Savolga javob beradi («bu oy kafega qancha ketdi?») | har xil | |||
| Bepul foydalansa bo‘ladi | ||||
| Narx | bepul | 5 000 – 10 000 so‘m/oy | ~43 000 so‘m/oy | bepulxohlasangiz Pro — oyiga ~20 800 so‘mdan |
Narxlar taxminiy, 2026-yil oktabr holatiga ko‘ra.
Ma‘lumotlaringiz — sizniki
Pulingizga tegmaydi
Moliyachi AI faqat hisob yuritadi. Kartangiz raqami, PIN yoki SMS kodlar hech qachon so‘ralmaydi.
Faqat siz ko‘rasiz
Ilovaga Telegram hisobingiz orqali kirasiz — Telegram imzosi tekshiriladi. Ma‘lumotlar sotilmaydi va reklamaga berilmaydi.
Har kuni zaxira nusxa
Yozuvlaringiz har kecha avtomatik zaxiralanadi — telefon almashsa ham, hech narsa yo‘qolmaydi.
Istalgan payt o‘chirasiz
Ilovadagi profil sozlamalaridan barcha yozuvlaringizni bir martada butunlay o‘chirishingiz mumkin.
Narxlar
Hisob yuritish — bepul. AI (ovoz, chek, savollar) har kuni yangilanadigan 
energiya bilan ishlaydi.
- Oddiy yozuvlar, balans, hisobotlar — cheklovsiz
- Excel eksport, budjet, qarzlar, kartalar
- Har kuni +10 AI uchun (20 tagacha)
yoki 219 000 so‘m / yil — oyiga ~18 250 so‘m (~39% arzon)
- Har kuni +20
(40 tagacha zaxira) — bepuldan 2 baravar ko‘p - Energiya kam qolganda ham eng kuchli AI
- Istalgan payt bekor qilinadi
Paket energiyasi yonmaydi — kunlik energiya tugagach ishlatiladi.
Biznes guruhi uchun: foyda-zarar (P&L), 21:30 da kassa hisoboti, egasiga shaxsiy hisobot va darhol ogohlantirish (kim nimani o‘chirdi yoki tuzatdi, katta chiqim, kassa minus), oyiga 500 ⚡ guruh energiyasi, har oy Excel. 14 kun bepul, a’zolar soni cheklanmaydi.
Karta orqali to‘lov (Visa, Mastercard) — Polar orqali, ilova ichida. Ba’zi mamlakatlarda to‘lov sahifasida soliq qo‘shilishi mumkin. To‘lov shartlari · Foydalanish shartlari
Ko‘p beriladigan savollar
Javob topilmadimi? Botda /feedback yozing — savolingiz to‘g‘ridan-to‘g‘ri jamoaga boradi.
Bu bank ilovasimi? Pulimga kira oladimi?
Yo‘q. Moliyachi AI — hisob daftari, bank emas. U kartangizga ulanmaydi va pul o‘tkaza olmaydi. Siz yozgan kirim-chiqimni tartiblab, hisoblab beradi.
Qanday boshlayman?
Telegramda @KundalikMoliyaBot ni oching, /start bosing va tilni tanlang. Shundan keyin birinchi xarajatingizni yozing — masalan «tushlik 35 ming». Ro‘yxatdan o‘tish yoki ilova yuklash shart emas.
Ovozni qanchalik to‘g‘ri tushunadi?
Ko‘p holatda to‘g‘ri tushunadi, lekin har doim emas — shuning uchun har bir yozuv darhol ko‘rsatiladi. Xato bo‘lsa, 30 daqiqa ichida bitta tugma bilan bekor qilasiz yoki ilovada tahrirlaysiz.
Naqd pul va bir nechta kartani alohida yuritsa bo‘ladimi?
Ha. Har bir karta va naqd pulning o‘z balansi bor. Xabarda karta nomini aytsangiz («Humo kartamdan…»), yozuv o‘sha kartaga tushadi; aytmasangiz — asosiy kartaga.
Qaysi tillarda ishlaydi?
O‘zbek, rus, ingliz va koreys tillarida. Tilni boshida tanlaysiz va keyin sozlamalardan o‘zgartirasiz — bot, ilova va hisobotlar shu tilda bo‘ladi.
Eslatmalar bezovta qilmaydimi?
Kuniga ko‘pi bilan bitta eslatma — va faqat o‘sha kuni hech narsa yozmagan bo‘lsangiz. Bir necha kun foydalanmasangiz, eslatma kelmaydi. Hisobotlarni sozlamalardan o‘chirish mumkin.
Moliyachi AI boshqa moliya ilovalaridan nimasi bilan farq qiladi?
Telegram ichida ishlaydi — ilova o‘rnatish va ro‘yxatdan o‘tish shart emas. Xarajatni oddiy gap, ovozli xabar yoki chek bilan yozasiz, AI summani va toifani o‘zi aniqlaydi. Naqd pul va barcha kartalar bir joyda, kechqurun tayyor hisobot keladi, savollaringizga javob beradi. O‘zbek tilini tushunadi va bepul boshlanadi.
Humo va Uzcard kartalari bilan ishlaydimi?
Ha. Kartalarni nomi bilan qo‘shasiz (Humo, Uzcard, Visa yoki naqd) va har birining balansi alohida yuritiladi. Moliyachi AI bankka ulanmaydi: yozuvlarni o‘zingiz kiritasiz, karta raqami so‘ralmaydi.
Pullikmi?
Hisob yuritish bepul: oddiy yozuvlar, balans, hisobotlar va Excel — cheklovsiz. AI ishlatadigan amallar (ovoz, chek, savollar) energiya bilan: har kuni bepul +10 beriladi. Ko‘proq kerak bo‘lsa — Pro (oyiga 29 900 so‘m) yoki energiya paketi.